Digər

Əjdər Ol yenidən Ali Məhkəməyə müraciət etdi

qaynarinfo.az

17:55 18.04.2024

Smartbee
Şikayət et

Əmək və Əhalinin Sosial Müdafiəsi Nazirliyinin sabiq aparat rəhbəri, məhkum yazıçı Əjdər Cəbiyev (Əjdər Ol) Ali Məhkəməyə müraciət edib.

Qaynarinfo-nun məlumatına görə, işə Ali Məhkəmənin hakimi Vidadi Cəfərovun sədrliyi ilə baxılacaq.

Ötən ilin avqust ayında Əjdər Ol cəzasının yüngülləşdirilməsi üçün kassasiya şikayəti vermişdi. Ötən ilin dekabr ayında apellyasiya qərarından verilmiş kassasiya şikayətini geri götürmüşdü.

Qeyd edək ki, Əjdər Cəbiyevin barəsində Cinayət Məcəlləsinin 179.3.2-ci (Mənimsəmə, külli miqdarda törədildikdə), 308.2-ci (Vəzifə səlahiyyətlərindən sui-istifadə), 311.3.1-ci (Rüşvət alma, qabaqcadan əlbir olan bir qrup şəxs və ya mütəşəkkil dəstə tərəfindən), 311.3.2-ci (Rüşvət alma, təkrar törədildikdə) və 311.3.3-cü (Rüşvət alma, külli miqdarda törədildikdə) maddələri ilə ittiham irəli sürülüb.

Əjdər Cəbiyev Bakı Ağır Cinayətlər Məhkəməsinin qərarına əsasən 8 il 6 ay müddətinə azdlıqdan məhrum edilib. Bakı Apellyasiya Məhkəməsi sonradan həbs müddətini 3 ay azaldıb.

Əhməd

Seçilən