İrandan növbəti hədə: Görün SEPAH İsraili nə ilə qorxutdu

İran İsrailin bütün nüvə obyektlərinin yerini müəyyənləşdirib və Təl-Əvivin təcavüzü halında onlara hər an zərbə endirməyə hazırdır.

Publika.az xəbər verir ki, bu açıqlama ilə İslam İnqilabı Keşikçiləri Korpusunun (SEPAH, İran Silahlı Qüvvələrinin elit bölmələri) İranın nüvə obyektlərinin təhlükəsizliyini təmin edən bölmələrinin komandiri Əhməd Həktələb çıxış edib.

Onun sözlərini “Tasnim” agentliyi sitat gətirib.

Haktalab bəyan edib ki, İranın nüvə obyektlərinə hücum ediləcəyi təqdirdə dərhal İsrailə güzgü zərbəsi endirəcəklər.

“İran əvvəldən İsraildən gələn təhdidlərə qarşı hazırdır, passiv müdafiə planları, eləcə də ən müasir silahlar, nüvə obyektlərinin bütün İrana səpələnməsi sayəsində biz İsraildən gələn istənilən təhlükəyə qarşı durmağa hazırıq”, - SEPAH komandiri bildirib.