Siyasət

Prezident Nyu-Yorkda keçmiş prezidentlə görüşüb

reyting.az

16:20 18.04.2024

Smartbee
Şikayət et

ABŞ-nın keçmiş prezidenti Donald Tramp çərşənbə günü axşam yeməyində Polşa prezidenti Andjey Duda ilə görüşüb. Görüş zamanı Ukrayna və Yaxın Şərqdəki müharibələr, həmçinin NATO-nun xərcləri müzakirə olunub.

Reyting.az “Politico” nəşrinə istinadla bildirir ki, görüş iki saat yarım davam edib və keçmiş prezidentin Nyu-York məhkəməsində iştirak edərkən qaldığıTowerdəki mənzilində baş tutub.

Duda ilə birlikdə yeməkdən əvvəl Tramp jurnalistlərə deyib: “Birlikdə dörd gözəl il keçirdik. Biz bunu yenidən etməli ola bilərik”.

“Politico” yazır ki, Trampla Dudanın uzun müddətdir yaxşı münasibətləri var. Polşa lideri bir dəfə ölkəsindəki hərbi bazaya “Fort Tramp” adının verilməsini təklif edib. Eyni zamanda, 2020-ci ildə Tramp “yenidən seçki kampaniyasının ortasında” olarkən Ağ evə səfər edib.

“Lakin səlahiyyət müddəti 2025-ci ildə başa çatan Duda, Bayden administrasiyasını Polşa ilə həmsərhəd olan Ukraynaya daha çox yardım göstərməyə sövq edə bilib”, - məqalədə qeyd olunur.

Nəşr xatırladıb ki, ötən ay Polşanın baş naziri Donald Tusk və prezident Andjey Duda ABŞ-nın hazırkı lideri Co Baydenlə görüşərək Ukraynaya lazımi silahların verilməsini müzakirə ediblər. Mühafizəkar Duda və sağ mərkəzçi Tusk öz ölkələrində siyasi çəkişmənin ortasında olsalar da, Rusiya Federasiyası ilə davam edən müharibə zamanı Kiyevi dəstəkləmək üçün Ağ ev və Konqresə təzyiq göstərmək üçün Vaşinqtonda olublar.

E. KAMAL

Seçilən

110