Acqarına meyvə yemək təhlükəlidir?

Sağlam insan günün istənilən vaxtı meyvə yeyə bilər.

"Unikal" xəbər verir ki, bunu rusiyalı diyetoloq Anna Belousova deyib. 

O,  acqarına meyvənin təhlükələri haqqında danışıb. 

"Sağlam insan istənilən vaxt meyvə yeyə bilər: ac qarına, yeməkdən əvvəl, yeməkdən sonra. Sadəcə ananaslara qapılmayın: boş bir mədədə onlar mədə mukozasını qıcıqlandıra bilər. Ananasın tərkibində zülalları parçalayan çoxlu fermentlər var, ona görə də onu əsas yemək zamanı və ya ondan sonra yemək yaxşıdır – o zaman həzm etməyə kömək edir", - o, izah edib.

Dietoloq mədə-bağırsaq traktının, onikibarmaq bağırsaq və ya nazik bağırsaq xəstəliklərinin kəskinləşməsi olan insanların pəhrizindən meyvələri çıxarmağa çağırıb. Bu vəziyyətdə ən yumşaq pəhriz tələb olunur və təzə meyvələr müvəqqəti olaraq istisna edilməlidir.

O xatırladıb ki, yüksək turşuluq halında bananı acqarına yemək tövsiyə olunandır. Çünki bu, tampon kimi işləyən və artıq turşuluğu söndürən nişastalı bir məhsuldur.

Gülayə Mecid