Rusiyadan atasının dəfninə gələn Yevlax sakinini “qaramaskalılar”ın saxladığı deyilir

Rusiyada yaşayan Azərbaycan vətəndaşının atasının dəfnində iştirak etmək üçün gəldiyi Yevlax rayonunda saxlanıldığı bildirilir.
Yeniavaz.comxəbər verir ki, söhbət rayonun Rüstəmli kəndinin sakini Elşən Kərimovdan gedir.
Yaxınlarının sözlərinə görə, o, dünən – aprelin 17-də atasınan yas mərasimində qara maskalı şəxslər tərəfindən saxlanılaraq naməlum istiqamətdə aparılıb. Onlar E. Kərimovun hansı qurum tərəfindən və hansı əsasla saxlanıldığını bilmədiklərini deyirlər. Yaxınları ona işgəncə verildiyindən, həmçinin həyatının təhlükədə ola biləcəyindən narahatdırlar.
Daxili İşlər Nazirliyinin Mətbuat xidmətindən Yeniavaz.com-a bildirilib ki, bu barədə onlarda məlumat yoxdur.