Çin İsraili BMT Təhlükəsizlik Şurasının (TŞ) Yaxın Şərq qətnaməsinin tələblərinə əməl etməyə, Qəzza zolağında atəşi dayandırmağa və Rəfaha hücum planlarından əl çəkməyə çağırır.
Axar.az xəbər verir ki, bunu Çin Xalq Respublikasının BMT-dəki daimi nümayəndəsinin müavini Qenq Şuanq deyib.
“Biz İsraili qətnamənin müddəalarını yerinə yetirməyə, hücumlarını dayandırmağa, Rəfaha hücum planlarından əl çəkməyə, Qəzzanın blokadasını qaldırmağa, bütün keçid məntəqələrini açmağa çağırırıq”, - deyə diplomat bildirib.
