Ankarada 76-cı Türkiyə Geoloji Konqresi:Fəlakətə dözümlü şəhərlərdən enerji müstəqilliyinə doğru...

Mədən Yoxlama və Axtarış (MTA) Baş İdarəsinin ev sahibliyi ilə Türkiyənin paytaxtı Ankara şəhərində Geologiya Mühəndisləri Palatası tərəfindən təşkil edilən 76-cı Türkiyə Geoloji Konqresi öz işinə başlayıb. 15-19 aprel 2024-cü il tarixləri arasında keçiriləcək konqresin əsas mövzusu “Fəlakətə Dözümlü Şəhərlər” olaraq müəyyən edilib.

Toplantının açılışında çıxış edən TPAO-nun baş direktoru Əhməd Türkoğlu Konqresin builki mövzusunun zəlzələ ölkəsi olan Türkiyə üçün mənalı olduğunu ifadə edəib: “Xüsusən də ölkəmizdə dərin sosial və iqtisadi sarsıntılara səbəb olan 6 fevral zəlzələsinin yaralarını sağaltmağa çalışdığımız bu dövrdə zəlzələnin reallığını və həyat standartlarını müəyyən etməyin nə qədər vacib olduğunu hamımız dərk edirik”.

İldə 200-ə yaxın quyu, TPAO tarixində rekord

Ə.Türkoğlu çıxışında qeyd edib ki, elm adamları geofizik və neft-təbii qaz mühəndisləri ilə birlikdə neft və təbii qazın kəşfiyyatı və kəşfi və istehsaldan iqtisadiyyata qədər bütün proseslərdə mühüm rol oynayırlar.

Enerjidə xarici asılılıqdan qurtularaq, enerjidə əsrin hədəfinə doğru irəliləyən bu yolda ölkəmizin hər yerində həm quruda, həm də dənizdə böyük kəşfiyyat işlərinə başladıqlarını bildirən Türkoğlu, quru ərazilərdə ildə 200-ə yaxın quyu qazaraq TPAO tarixində böyük rekordlar qırdıqlarını söylədi.

Əldə olunan son rekordun enerji və təbii sərvətlər naziri Alparslan Bayraktar tərəfindən açıqlandığını bildirən Türkoğlu məlumat verib ki, “Şəhid Aybüke Yalçın” yatağına səfəri zamanı nazirimiz müjdə verdi ki, bölgədə gündəlik hasilatı 40 min barrelə çatdırmışıq. O, TPAO olaraq gündəlik 100 min barrel hasilatla ölkə tarixində hasilat rekordu qırdıqlarını da ictimaiyyətlə bölüşüb: “Bunlar mühüm nailiyyətlərdir, lakin bizim enerji müstəqilliyi yolunda çox uzun yolumuz var. Hazırda quruda ilk hədəfimiz bu ilin sonuna qədər təkcə Qabar bölgəsində gündəlik 100 min barel neft hasil etməkdir. Axtarış səylərimiz qurudakı digər ərazilərdə də davam edir.”

Filyosda hasilatımızı 40 milyon kubmetrə çatdırmağı hədəfləyirik

Ölkə daxilində və xaricdə hasilatda gündəlik 250 min barrel neft ekvivalentinə yaxınlaşdıqlarını ifadə edən Ə.Türkoğlu, qiymətləndirmələrini belə davam etdirib: “Bildiyimiz kimi, Qara dənizdəki "Sakarya" qaz yatağında işlərimiz tam sürətlə davam edir. Türkiyənin enerji bazası deyə biləcəyimiz Filyosda hazırda 3,7 milyon kubmetr civarında olan gündəlik hasilatımızı 1-ci mərhələnin tamamlanmasıyla gündə 10 milyon kubmetrə, daha sonra isə layihənin başa çatması ilə 40 milyon kubmetrə çatdırmağı hədəfləyirik.”

TPAO-nun baş direktoru: Qara dənizdə axtarış səylərimizi tam sürətlə davam etdirmək əzmindəyik

TPAO-nun baş direktoru Əhməd Türkoğlu hesab edir ki, Qara dənizdə potensial daha böyükdür. Bölgədə axtarış səylərimizi tam sürətlə davam etdirmək əzmindəyik. TPAO ailəsi olaraq 70 illik güclü təcrübəmiz, sürətlə inkişaf edən insan resurslarımız və texnoloji infrastrukturumuz, əməkdaşlarımızın əzmi, qətiyyəti və fədakarlığı ilə Türkiyənin yüz illiyinə dəyərli töhfələr vermək əzmindəyik”.

Qeyd edək ki, konqresin açılış iclasında geologiya elminin inkişafında xidmətləri olan və orijinal tədqiqatlar aparan geoloq mühəndislərə “Qızıl çəkic” və xidmət mükafatları təqdim olunub. “Fəlakətlərə Dözümlü Şəhərlər” əsas mövzusu olan konqres iştirakçı alimləri öz sahələri üzrə bir araya gətirərək 5 gün ərzində keçiriləcək təqdimat və panellərlə geologiyanın ənənəvi mövzularına toxunulmasına, rəy mübadiləsinə töhfə verəcək.

Orxan Vahidoğlu, "İki sahil"