Sosial şəbəkələrdə parklanma ərazisində bir nəfərin avtomobillərə ziyan vurması ilə bağlı görüntülər yayılıb.
Herbiand.az xəbər verir ki, görüntülər “Sədərək” Ticarət Mərkəzinin parklanma ərazisində qeydə alınıb. .
DİN-in Mətbuat Xidmətinin əməkdaşı, polis leytenantı Elbrus İbrahimov hadisə ilə bağlı APA-ya bildirib ki, ticarət mərkəzlərindən birinin dayanacağında avtomobillərə qəsdən ziyan vurulması ilə bağlı polisə məlumat daxil olub:
“Həmin şəxs paytaxt sakini 2001-ci il təvəllüdlü V.Rzayev müəyyən edilərək saxlanılıb. Araşdırma zamanı onun psixi sağlamlığının yerində olmadığı müəyyən edilib. Həmin şəxsin ixtisaslaşmış həkim briqadasına təhvil verilərək müalicə mərkəzinə yerləşdirilməsi təmin edilib”.
