"TikTok" foto paylaşma proqramını işə salacaq

Müəllif:Ayşən İmanova/Banco.az
“TikTok”, “İnstagram” ilə rəqabət aparmaq üçün yeni foto paylaşma proqramı buraxmağı planlaşdırır.
Banco.az xəbər verir ki, qısa video xidmətinin administrasiyası artıq istifadəçilərə “TikTok Notes” adlı “şəkilləri dərc etmək üçün yeni proqram” işə salacağını bildirən bildirişlər göndərib.
Mesajda deyilir ki, istifadəçilər ictimai fotoşəkilləri paylaşmaq və ya bunu etməkdən imtina etmək üçün "TikTok Notes"  quraşdıra biləcəklər.Hətta bir müddətdir photo.tiktok.com saytında “TikTok Notes” proqramında nəşrlər açmağı təklif edən yeni veb resurs fəaliyyət göstərir. İstifadəçilər şəkillərin yanında mətn yazıları yerləşdirə biləcəklər. Ən sərfəli kredit üçün müraciət et



“TikTok Notes”, çox güman ki, əsas “TikTok” tətbiqinin istifadəçilərinin əvvəllər yerləşdirdiyi fotoşəkilləri əhatə edəcək, yəni istifadəçilərin və məzmunun ilkin bazasını yaratmağa ehtiyac qalmayacaq.
Qeyd edək ki, “TikTok” yeni xidmətin istifadəyə verilmə tarixini dəqiqləşdirməyib. Yeni platforma “İnstagram”a ciddi rəqib ola bilər.