“TikTok” platforması 2023-cü il ərzində Azərbaycanda “İcma qaydaları”nı pozan 2 milyon 71 min 243 videonu silib. Bu barədə şirkətin Şərqi Avropa və Mərkəzi Asiya üzrə Kommunikasiya Xidməti bildirib.
Silinən videolardan 903 min 41-i ötən ilin dördüncü rübünə aiddir. Bu, 2023-cü ilin istənilən rübündə silinmiş videoların ən yüksək sayıdır. Videoların 95,8 faizi yayımlandıqdan sonra 24 saat ərzində silinib.
Dünya üzrə isə dördüncü rübdə 176 milyon 461 min 963 video qaydaların pozulması səbəbindən silinib. Bu, rüb ərzində “TikTok” tərəfindən silinən ən yüksək video sayıdır.
Silinmiş videoların 96,7 faizi proaktiv şəkildə silinib. Proaktiv silinmə videonun xəbər verilməzdən əvvəl müəyyən edilməsi və silinməsi deməkdir. Videoların faizi yayımlandıqdan 24 saat ərzində silinib. 8 milyon 12 min 732 canlı yayım isə qanun pozuntularına görə dayandırılıb.
Qeyd olunub ki, bunlarla yanaşı, ötən il dünya üzrə 13 yaşdan kiçik 76 milyon 484 min 236 istifadəçinin hesabı silinib.
Rizvan FİKRƏTOĞLU XQ
- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
