Reyting.az xəbər verir ki, bunu Polşanın xarici işlər naziri Radoslav Sikorski Şimali Atlantika Alyansının xarici siyasət idarələri rəhbərlərinin Brüsseldə keçirilən görüşündən sonra deyib.
“Biz Ukraynada NATO missiyası yaratmaq qərarına gəldik. Bu o demək deyil ki, biz müharibəyə gedəcəyik, lakin indi biz Ukraynaya daha koordinasiyalı şəkildə dəstək vermək üçün alyansın koordinasiya, təlim və planlaşdırma imkanlarından istifadə edə biləcəyik”, - Polşa Xarici İşlər Nazirliyi diplomatdan sitat gətirib.
Xatırladaq ki, bir gün əvvəl Sikorski NATO xarici işlər nazirlərinin Brüssel görüşündən əvvəl də belə bir missiya yaratmağın planlaşdırıldığını açıqlayıb. O qeyd edib ki, bu missiya Ukraynada döyüş əməliyyatlarında iştirak etməyəcək.