Ayda kəşf edilən su bir milyon insan üçün kifayətdir - Vladimir Surdin

"Biz hələ də Yer kürəsini inkişaf etdirməliyik, amma düşünək ki, yer kürəsində həyat şəraiti qeyri-mümkün olarsa və bu, gec-tez baş verəcək. Hələ qarşıda Yer kürəsində ən azı bir neçə yüz milyon illik normal həyat var".

Ölkə.Az xəbər verir ki, bunu rusiyalı astronom Vladimir Surdin deyib.

Onun fikrincə, təxminən bir milyard yarım ildən sonra Yer dözülməz dərəcədə istiləşəcək.

Ayda və Marsda insan yaşayışının mümkünlüyünü qeyd edən astronom bildirib ki, Ayın torpağının altında və Mars torpağının altında kosmik radiasiyanın olmadığı yerlərdə baza və şəhərlər yaratmaq tamamilə mümkündür. 

"Radiasiyadan qorunmaq üçün iki-üç metr torpağın qalınlığı kifayətdir, lakin dörd və ya beş daha yaxşıdır, bu, etibarlı qorunmadır. Bunu etmək asandır", - o qeyd edib.

Bununla belə, o əlavə edib ki, insan altı aydan artıq Ay və Marsın səthində yaşaya bilməyəcək: "İndiyə qədər biz Ayda yalnız bir faydalı resurs - su kəşf etmişik. Bu, bir milyona yaxın insana uzun illər kifayət edəcək".

Mürtəza
Ölkə.Az