ABŞ prezidenti Baydenin komandası fevral ayında kampaniya üçün 53 milyon dollardan çox vəsait toplayıb.
KONKRET.az xarici mediaya istinadən xəbər verir ki, bu, ABŞ-də ay ərzində rekord göstəricidir.
2023-cü ilin aprel ayında seçkiqabağı kampaniya başlayandan bəri Bayden 331 milyon dollardan çox pul toplayıb.
Onun respublikaçı rəqibi, eks-prezident Donald Trampın seçkiqabağı kampaniyası hələ fevral ayı üçün ianələr barədə məlumatı dərc etməyib. Hər iki namizədin kampaniyası martın 20-də Federal Seçki Komissiyasına daxil olan vəsait barədə məlumat verəcək.
ABŞ-də prezident seçkiləri 2024-cü il noyabrın 5-nə təyin edilib.
Xatirə SADİQ,
KONKRET.az