F-1.az xəbər verir ki, Formula2-də lider olan bu gənc sürücü artıq dörd qələbə qazanıb – Melburn Albert Parkında, İmolada, Silverstounda və Spada. Maraqlıdır ki, bütün bu qələbələr həftəsonları keçirilən əsas yarışlarda əldə edilib.
Red Bull-un avtoidman məsləhətçisi Helmut Marko artıq qeyd edib ki, Ayzekin “Formula1-ə keçidi üçün birmənalı potensialı var”. Maks Ferstappen də bu fikri dəstəkləyir. O, Həcəri təkcə Formula2 yarışlarında deyil, həm də Red Bull-un RB20 bolidi arxasında görüb. Komanda artıq bir neçə dəfə ona cümə günü məşqləri keçirməyi etibar edib.
Ferstappenin sözlərinə görə, Həcər işini əla yerinə yetirir və mövsümün əvvəlində bəxti gətirməsə də, “məncə, onda bütün lazımi keyfiyyətlər var”. Əlbəttə ki, onun gələcək perspektivləri Red Bull rəhbərliyinin qərarlarından asılıdır.
Red Bull rəhbərliyi bir sıra vacib qərarlar qəbul etməlidir. Hələlik gələn il Visa RB-də Yuki Tsunodanın komanda yoldaşının kim olacağı məlum deyil. Eyni zamanda, nəticələrində ciddi enmə müşahidə olunan Serxio Pereslə əməkdaşlığın davam etdirilib-etdirilməyəcəyi də sual altındadır.
Bir mümkün ssenaridə Liam Louson gələn mövsümdən Visa RB-də çıxış edəcək, Həcər isə hər iki Red Bull komandasının ehtiyat sürücüsü vəzifəsini icra edəcək. Markonun fikrincə, “hadisələrin necə inkişaf edəcəyinə baxacağıq, amma Həcər mütləq bu və ya digər rolu oynayacaq”.
