AFFA-nın Oyun Əməliyyatları şöbəsinin rəisi Emin Cəfərov Avropa Konfrans Liqasının 2-ci təsnifat mərhələsinin oyununa təyinat alıb.
Arena.az xəbər verir ki, bu barədə AFFA-nın rəsmi saytı məlumat yayıb.
Xəbərdə bildirilir ki, Avropa Konfrans Liqasının 2-ci təsnifat mərhələsinin “Maribor” (Sloveniya) – “Universitatya” (Krayova, Rumıniya) oyununun UEFA nümayəndəsi Emin Cəfərov olacaq.
Maribor şəhərində yerləşən “Lyudski” stadionunda keçiriləcək görüş iyulun 25-də baş tutacaq. Oyuna Bakı vaxtı ilə saat 22:15-də start veriləcək.
“Maribor” – “Universitatya” (Krayova) matçını danimarkalı baş hakim Mads Kristoffersen idarə edəcək. Bu komandalar arasındakı cavab qarşılaşması avqustun 1-də Rumıniyada keçiriləcək.
