Braziliya millisinin üzvü “Mançester Siti”də

İngiltərənin “Mançester Siti” klubu “Trua”dan Savinyonu transfer edib Matc.az xəbər verir ki, bu barədə klubun mətbuat xidməti məlumat yayıb. “Mançester Siti” 20 yaşlı vingerlə 2029-cu ilin yayına kimi nəzərdə tutulan müqavilə imzalayıb. Qeyd edək ki, Savinyo ötən mövsüm icarə əsasında “Jirona”da çıxış edib. Braziliya millisinin üzvü La Liqa təmsilçisinin heyətində meydana çıxdığı 41 rəsmi oyunda 11 qol və 10 məhsuldar ötürmə ilə yadda qalıb.