İqtisadiyyat Nazirliyi yanında Əmlak Məsələləri Dövlət Xidməti tərəfindən növbəti hərrac təşkil edilib.
Korrespondent.az Əmlak Məsələləri Dövlət Xidmətinə istinadən bildirir ki, nəqliyyat vasitələri üzrə rəqabətli keçirilən hərracda 18 nəqliyyat vasitəsi satılıb.
Belə ki, ilkin qiyməti 6000 manat olan “Toyota Avalon” markalı avtomobil 10 min 300 manata satılıb, BMW 750 markalı avtomobilə edilən təklif isə 13 min 500 manatdan 16 min 900 manata yüksəlib.
Qurumdan onu da bildiriblər ki, Elektron Xidmətlər Portalında (e-emlak.gov.az) qeydiyyatdan keçməklə, dövlət əmlakının ilkin hərrac qiymətinin 10 faizi məbləğində beh ödəyərək iştirakçı statusu əldə etmək olar.
