ABŞ-nin Gürcüstandakı səfiri Robin Danniqan "Noble Partner" birgə təlimlərinin təxirə salınması qərarını anlaşılmaz hesab edən Gürcüstan Müdafiə Nazirliyinin reaksiyasını şərh edib.
İqtisadiyyat.az xəbər verir ki, bu barədə "Sova" məlumat yayıb.
Səfir aydınlıq gətirib ki, bu məsələdə aydın olmayan heç nə yoxdur, çünki ABŞ və Gürcüstan arasında ikitərəfli münasibətlərə baxış davam edir.
"Əlbəttə, bu ağrılıdır, amma anlaşılmaz heç nə yoxdur. Biz bu məsələ ilə bağlı danışdıq və dövlət katibi açıq şəkildə bildirdi ki, ikitərəfli əlaqələrimiz nəzərdən keçirilir, ona görə də bu kontekstdə bəzi şəxslərin, o cümlədən hakim partiyanın üzvlərinin açıq bəyanatları səbəbindən təlimlər ləğv edilib", - ABŞ səfiri əlavə edib.
Eyni zamanda, Dunniqan münasibətlərin tarazlaşacağına ümid etdiyini bildirib.
Bundan əvvəl Pentaqon ikitərəfli münasibətlərin hərtərəfli nəzərdən keçirilməsi çərçivəsində Gürcüstanla "Noble Partner" hərbi təlimlərinin qeyri-müəyyən müddətə təxirə salındığını elan edib.
Öz növbəsində Gürcüstanın müdafiə naziri İrakli Çikovani Pentaqonun bəyanatını "anlaşılmaz qərar" adlandırıb.
Gürcüstan Prezidenti Salome Zurabişvili ABŞ ilə hərbi təlimlərin ləğvi ilə bağlı ölkənin müdafiəsi üçün təhdidləri açıqlayıb.
