"Qarabağ"ın UEFA Çempionlar Liqasının II təsnifat mərhələsində keçirəcəyi cavab oyununun vaxtı açıqlanıb.
Bakıda baş tutacaq qarşılaşma iyulun 30-da reallaşacaq.
Tofiq Bəhramov adına Respublika Stadionundakı görüş saat 20:00-da start götürəcək. Ağdam klubu bu mərhələdə "Hamrun Spartans" (Malta) - "Linkoln" (Cəbəllütariq) cütünün qalibi ilə üz-üzə gələcək.
Qeyd edək ki, Çempionlar Liqasının II təsnifat mərhələsinin ilk oyunları iyulun 23-24-də, cavab oyunları isə 30-31-də olacaq.
