Britaniya Leyboristlər Partiyasının lideri Kir Starmer Kral III Çarlzdan hökumət qurmaq mandatı alaraq ölkənin baş naziri vəzifəsinə rəsmən başlayıb.
Yeniavaz.com xəbər verir ki, bu barədə kralın mətbuat xidməti məlumat yayıb.
61 yaşlı Starmer indi baş nazir kimi xalqa müraciət etmək üçün Dauninq-stritə gedəcək. Beləliklə, o, II Elizabetin ölümündən iki ildən az bir müddət əvvəl kral taxtına oturan III Çarlzın dövründə Britaniya hökumətinin üçüncü başçısı olacaq.
Baş nazir kimi Starmerin 25 oktyabr 2022-ci ildən bu günə qədər hökumətə rəhbərlik edən sələfi Rişi Sunakı əvəz edəcək.
Starmer iyulun 4-də keçirilən parlament seçkilərindən sonra hökumətin başçısı vəzifəsinə keçib.
İlkin məlumatlara görə, onun rəhbərliyi altında Leyboristlər Partiyası yeni hökumətin formalaşdırılması üçün lazım olan səs çoxluğunu əldə edərək, 650 yerlik İcmalar Palatasında ən azı 412 yeri təmin edib. 2010-cu ildən hakimiyyətdə olan Mühafizəkarlar Partiyasının hazırda cəmi 121 mandatı var. Daha iki seçki dairəsində bülletenlərin hesablanması davam edir.
Starmer Böyük Britaniya tarixində 58-ci baş nazir olacaq. Gün ərzində o, Britaniya hökumətinin yeni tərkibini açıqlayacaq.

• Britaniya
• Kir Starmer
• Leyborist Partiyası