Rusiya prezidenti Vladimir Putin Qazaxıstana səfərinin ikinci günü Şanxay Əməkdaşlıq Təşkilatının (ŞƏT) sammitində iştirak edəcək.
Bakıvaxtı.az xəbər verir ki, Kremlin köməkçisi Yuri Uşakovun sözlərinə görə, sammitin açılışı standart sxemdən kənara çıxacaq.
Şuranın iclası zamanı ŞƏT-in daimi qurumlarının rəhbərləri: təşkilatın baş katibi Çjan Minq və Regional Antiterror Strukturunun direktoru Ruslan Mirzəyevin məruzələri dinləniləcək.
ŞƏT sammitində 24 sənədin qəbul edilməsi gözlənilir. Mərkəzi yekun sənəd ŞƏT Dövlət Başçıları Şurasının bəyannaməsi olacaq. Sənəd iştirakçı ölkələrin aktual regional və beynəlxalq problemlərə birləşdirilmiş yanaşmalarını əks etdirəcək.
Həmçinin dövlət başçılarının “Mehriban qonşuluq, etimad və tərəfdaşlıq prinsipləri haqqında” Bəyanat qəbul edəcəyi gözlənilir.
Liderlər həmçinin “Ədalətli sülh və harmoniya naminə dünya birliyi haqqında” təşəbbüsün təsdiqi haqqında qərar imzalayacaqlar.
Günel Abbas
