UEFA-nın Merih Demiralla bağlı araşdırmalara başlaması siyasi məcrada da reaksiyalara gətirib çıxarıb.
AZXEBER.COM Türkiyə mətbuatına istinadən xəbər verir ki, Milliyyətçi Hərəkat Partiyasının (MHP) lideri Devlet Bahçeli UEFA-nın bu addımını təxribat adlandırıb.
\"Merihin \"bozqurd\" işarəsi türk millətinin dünyaya mesajıdır və UEFA-nın bu kontekstdə araşdırmaya başlaması həm məqsədyönlüdür, həm də son günlər təhlükəli zəmin qazanan zəncirvari təxribatların davamıdır. UEFA-nın bu addımını qınamaqla yanaşı millətimizi də soyuqqanlı olmağa və belə təxribatlara uymamağa çağırıram. Hər imkanda önümüzü kəsənlərə, huzur və sülh ortamımızı pozmaq istəyənlərə fürsət verməməliyik\" - deyə Bahçeli bildirib.
Qeyd edək ki, Avropa çempionatının 1/8 final mərhələsində Türkiyə Avstriyanı 2:1 hesabı ilə məğlub edib. Həmin oyunda dubl edən Merih Demiral qol sevincini \"Bozqurd\" işarəsi ilə qeyd edib. Nəticədə, UEFA futbolçuya bu hərəkətinə görə araşdıma başladıb.
Məryəm
