Finlandiya prezidenti Alexander Stubb Rusiyanın Çin prezidenti Xi-nin telefon zəngi ilə müharibəyə son qoyacağını bildirib.
Turkustan.az xəbər verir ki, Bloomberg-ə danışan Finlandiya prezidenti Aleksandr Stubb Rusiyanın Ukraynaya müdaxiləsi ilə davam edən müharibəyə Pekindən Putinə zəng etməklə son verilə biləcəyini deyib.
Rusiyanın hazırda Çindən asılı olduğunu bildirən Stubb, "Prezident Şi Cinpinin tək telefon zəngi bu böhranı həll edə bilər" dedi.
Çin neytral görünsə də, Moskvanı ayaqda saxlamaq üçün yardım edir. Bu prosesdə Moskvanın Pekinə bağlılığı da artıb.
ABŞ da daxil olmaqla müxtəlif ölkələr Çinin Rusiyaya silah texnologiyası və peyk şəkilləri kimi texnologiyalar təqdim etməklə kömək etdiyini iddia edir.
Çin Rusiyanın ümumi ticarətinin 2021-ci ildəki 19 faizdən keçən il 28 faizə yüksəldiyini açıqlayıb. Bu dövrdə Aİ-nin Rusiya ilə ticarətdəki payı 36 faizdən 17 faizə enib.
"Əgər Xi "sülh danışıqlarına başlamağın vaxtıdır" desə, Rusiya bunu etməli olacaq", - Stubb deyib.
Xi və Putinin bu gün başlayacaq Şanxay Əməkdaşlıq Təşkilatının Dövlət Başçıları Şurasının iclasında görüşəcəyi gözlənilir.
Bu müharibənin bitməsinin Pekinə fayda verə biləcəyini ifadə edən Stubb, "Ərazi bütövlüyü və suverenliklə bağlı beynəlxalq qaydalar qorunmalıdır. Çin liderlik nümayiş etdirməlidir" dedi.
Macarıstanın baş naziri Viktor Orban da dünən gözlənilmədən Ukraynaya səfər edib və Zelenskini atəşkəs məsələsini nəzərdən keçirməyə dəvət edib.
Eltac Zülfüqaroğlu/Turkustan.az
