Səudiyyə Ərəbistanının energetika naziri şahzadə Əbdüləziz bin Salman bin Əbdüləziz dünən Səudiyyə Aramco-nun iki qeyri-ənənəvi neft yatağı kəşf etdiyini açıqlayıb.
Hafta.az-ın yazdığına görə, energetika naziri Şahzadə Əbdüləziz bin Salman “Ladam-2” quyusundan gündə 5100 barel ərəb yüngül nefti, “Fərrux” qeyri-ənənəvi neft yatağından gündə 4,9 milyon standart kub fut təbii qaz, eləcə də ərazidəki “Fərrux 4” quyusundan gündə 4,557 barrel ərəb yüngül nefti və 3,79 milyon standart kub fut təbii qaz hasil edildikdən sonra Şərqiyyədə qeyri-ənənəvi “Ladam” neft yatağının kəşf edildiyini bildirib.
“Mezalic-62” neft quyusundan gündəlik 1780 barel ərəb yüngül nefti və 0,7 milyon standart kub fut təbii qaz hasil edildikdən sonra Şərqiyyənin “Mezalic” neft yatağında Uneyza B-C neft yatağı kəşf edilib.
Təbii qaz ehtiyatları ilə bağlı kəşflərə toxunan energetika naziri Şahzadə Əbdüləziz bin Salman, “Cihak-1” yatağındakı Ərəb-C təbii qaz quyusundan gündə 5,3 milyon standart kub fut və eyni yataqdakı Ərəb D quyusundan 1,1 milyon standart kub fut təbii qazın çıxarılmasından sonra, Cihak bölgəsindəki Rubül Xali bölgəsində təbii qaz yatağının yaxınlığında Əl-Kutuf yatağının kəşf edildiyini deyib. Əl-Kutuf-1 quyusundan gündə 7,6 milyon standart kub fut təbii qaz və təxminən 40 barel kondensat hasil edildikdən sonra yatağın kəşf edildiyi açıqlanıb.
Eyni şəkildə, Rubül Xali rayonundakı Asikra təbii qaz yatağındakı Asikra-6 quyusundan gündə 4,9 milyon standart kub fut və həmin yataqdakı Fadhili quyusundan gündə 0,6 milyon standart kub fut və təxminən 100 barel kondensat çıxarıldıqdan sonra Hanifə qaz yatağı aşkar edilib.
