Dağıstanın müftisi Əhməd Abdulayev bəyan edib ki, müftilik yaxın vaxtlarda Dağıstanda çarşab taxmağı qadağan edən fətva vermək niyyətindədir.
Hafta.az-ın yazdığına görə, Dağıstan prezidenti Sergey Məlikovun Maxaçqalada ictimai fəallarla görüşündə iştirak edən müsəlmanların ruhani lideri deyib ki, “Rusiyanın hər yerində bütün dindarlar bu suala cavab verməyə ehtiyat edirlər, amma mən cavab verəcəm. Biz çarşabın qadağan edilməsinə fətva verəcəyik”.
“Əgər kişi istəyirsə ki, arvadına baxmasınlar, qoy onu evdə saxlasın”, - Abdulayev əlavə edib. O izah edib ki, respublikada tam sükut və əmin-amanlıq yaranana qədər çarşafı qadağan edən fətvanı ləğv etmək planları yoxdur.
İyunun 23-də Mahaçqala və Dərbənddə baş verən terror aktlarından sonra qadınların çarşab geyinməsi və dini ekstremizmlə bağlı müzakirələr yaranıb.
Silahlı yaraqlılar iki kilsə, iki sinaqoq və yol polisi məntəqəsinə hücum edib, terror aktı nəticəsində 22 nəfər ölüb.
Çarşab mübahisəsi Xasavyurtdakı özəl klinikalardan birində baş verən hadisədən sonra alovlanıb, pasiyent həkimi geyindiyinə görə onu görməkdən imtina etməkdə ittihamlayıb.
