İsrail Müdafiə Qüvvələrinə (IDF) məxsus döyüş təyyarələri Livanın cənubunda şiə silahlı Hizbullah qruplaşmasının hədəflərinə hücum edib. Bu barədə ordunun mətbuat xidməti məlumat yayıb.“Hərbi Hava Qüvvələri Livanın cənubundakı Blida, Yaroun və Teir Harfa bölgələrindəki Hizbullah terror təşkilatının infrastruktur obyektlərinə zərbələr endirib Labune və Çixine rayonlarında təhdidləri aradan qaldırmaq üçün zərbələr endiriblər”, - məlumatda deyilir.Fələstinin HƏMAS hərəkatının yaraqlılarının 2023-cü il oktyabrın 7-də Qəzza zolağından İsrail ərazisinə soxulması, sərhəd yaşayış məntəqələrinin sakinlərinin öldürülməsi və 240-dan çox girov götürülməsindən sonra Yaxın Şərqdə vəziyyət kəskin şəkildə pisləşib. Radikallar bu hücumu İsrail hakimiyyətinin Qüdsdəki Əl-Əqsa məscidinə qarşı hərəkətlərinə cavab adlandırıblar. İsrail Qəzzanı tam mühasirəyə aldığını elan edərək, ona və Livan və Suriyanın müəyyən bölgələrinə zərbələr endirməyə başlayıb, bundan sonra Fələstin anklavında quru əməliyyatına başlayıb.
Livandan mütəmadi olaraq atəşə tutulan və İsrail ordusunun atəşlə cavab verdiyi İsrailin şimal sərhədində gərginlik qalmaqdadır. Yəhudi dövlətinin şimalındakı sərhəd bölgələrindən 80 mindən çox israilli təxliyə edilib.

aia.az
Tərcümə şöbəsi

• İsrail
• hücum
• Livan
• Hizbullah
• qırıcılar