Futbol üzrə Azərbaycan çempionu, ötən mövsümü qızıl dublla bitirmiş “Qarabağ” 2024/2025 mövsümü üçün formalarını təqdim edib.
Arena.az xəbər verir ki, bu barədə Ağdam klubunun mətbuat xidməti məlumat yayıb.
“Adidas”ın hazırladığı ev və səfər forması ənənəvi olaraq qara və ağ rəngdədir. Komandanın üçüncü – alternativ forması isə ağ və mavi rənglərdən ibarətdir.
Qeyd edək ki, “Qarabağ” yeni mövsümdə Azərbaycanı UEFA Çempionlar Liqasında təmsil edəcək.
