Almaniyada keçirilən Avropa çempionatının 1/8 final mərhələsində Türkiyə millisi Avstriya ilə qarşılaşacaq.
Apasport.az xəbər verir ki, Leypsiqdə keçiriləcək matç Bakı vaxtilə 23:00-da start götürəcək.
Vinçenzo Montellanın yetirmələri rəqibini məğlub edərək növbəti mərhələyə yüksəlməyi hədəfləyir.
Qeyd edək ki, Türkiyə millisində Hakan Çalhanoğlu və Səməd Akaydın, Avstriya yığmasında isə Patrik Vimmer cəzalı olduğu üçün meydana çıxa bilməyəcək. "Ay-ulduzlular" turu keçsə, Rumıniya - Hollandiya matçının qalibi ilə qarşılaşacaq.
AVRO-2024
1/8 final
2 iyul
23:00. Avstriya - Türkiyə
Baş hakim: Artur Diaş (Portuqaliya).
Leyptsiq, "Red Bull Arena".
