1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Sumqayıtda yeniyetmələrin qanla bitən mübahisəsinin təfərrüatı məlum olub.
Belə ki, hadisənin söyüş üstündə törədildiyi iddia olunur.
Qonşuların sözlərinə görə, qışqırıq səsləri eşidib bayıra qaçıblar:
"Öz evi deyildi, kirayədə yaşayırdı. Gəldiyimiz zaman yeniyetməni qanlar içərisində gördük".
Sumqayıt Tibb Mərkəzdən bildirilib ki, 15 və 17 yaşlı yeniyetmələr ötən gün gecə saatlarında Sumqayıt Tibb Mərkəzinin Uşaq Xəstəxanasının Təcili yardım şöbəsinə yerləşdiriliblər. 2009-cu il təvəllüdlü yeniyetməyə döş qəfəsinin sol yarısının kəsilmiş-deşilmiş yarası və sol bazu nahiyəsinin kəsilmiş-deşilmiş yarası diaqnozları təyin edilib. 2007-ci il təvəllüdlü yeniyetməyə isə bel-omba və üz nahiyəsinin kəsilmiş-deşilmiş yaraları diaqnozları təyin edilib. Hər iki yeniyetmə əməliyyat olunub, vəziyyətləri əməliyyata uyğun stabildir.
Qeyd edək ki, Sumqayıt şəhər sakini, 2009-cu il təvəllüdlü Elgün Vüsal oğlu Qasımov münaqişə zəminində yaşıdı Əli Faiq oğlu İsmayılova və 2007-ci il təvəllüdlü Rasif Sabit oğlu Manıyevə bıçaqla xəsarətlər yetirib.
Faktla bağlı araşdırma aparılır.
Ətraflı süjetdə:
Sumqayıtda yeniyetmələrin mübahisəsi qanla nəticələnib.
APA xəbər verir ki, hadisə "Ceyranbatan bağları" adlanan ərazidə qeydə alınıb.
Sumqayıt şəhər sakini, 2009-cu il təvəllüdlü Elgün Vüsal oğlu Qasımov münaqişə zəminində yaşıdı Əli Faiq oğlu İsmayılova və 2007-ci il təvəllüdlü Rasif Sabit oğlu Manıyevə bıçaqla xəsarətlər yetirib.
Faktla bağlı araşdırma aparılır.
