Ukrayna prezidenti Volodimir Zelenski Rusiyanın Volnyansk qəsəbəsinə həmləsindən sonra ölkəsinin müasir hava hücumundan müdafiə sistemlərinə ehtiyacı olduğunu təkrarlayıb.
Zelenski Rusiyanın Zaporojye rayonuna raket hücumu nəticəsində 2-si uşaq olmaqla 7 nəfərin öldüyünü, bəzilərinin isə yaralandığını bildirib.
Yaxınlarını itirən hər kəsə başsağlığı verən V. Zelenski deyib: "Təəssüf ki, itkilərin sayı arta bilər. Şəhərlərimiz və cəmiyyətlərimiz Rusiyanın bu cür həmlələrindən hər gün əziyyət çəkir. Amma bunun öhdəsindən gəlməyin yolları var: terrorçuları olduqları yerdə zərərsizləşdirmək, Rusiya raket qurğularını məhv etmək, həqiqi uzaq məsafədən vurma qabiliyyəti ilə zərbələr endirmək və Ukraynada müasir hava hücumundan müdafiə sistemlərinin sayını artırmaq".
Ukrayna Fövqəladə Hallar Xidmətindən verilən açıqlamada Rusiyanın 29 iyunda Ukraynanın cənubundakı Zaporojya rayonunun Volnyansk qəsəbəsinə hücumu nəticəsində 7 adamın öldüyü, 8-i uşaq olmaqla 31 nəfərin yaralandığı bildirilib.
