AVRO-2024-ün pley-off mərhələsi davam edir.
İdman.biz xəbər verir ki, 1/8 final mərhələsinin üçüncü gününə Düsseldorfda start veriləcək.
Fransa millisi Belçika ilə üz-üzə gələcək. Çempionatın startı ərəfəsində hər iki komanda iddialılar sırasında göstərilsə də, qrup mərhələsində istənilən oyunu nümayiş etdirməyib. 1/8 finala ikinci yerlə yüksələn rəqiblərin hər ikisi qrupda cəmi 2 qol vurmaqla hücumda “dişsizlik” göstərib.
Qeyd edək ki, bu gün 1/8 finalın daha bir oyunu baş tutacaq. Portuqaliya Sloveniyanı sınağa çəkəcək.
AVRO-2024
1/8 final
1 iyul
20:00. Fransa – Belçika
Baş hakim: Qlen Niberq (İsveç)
Düsseldorf Arena
İdman.biz
