Terror hücumu təhlükəsi ilə bağlı Avropadakı bir neçə ABŞ hərbi bazası yüksək hazırlıq vəziyyətinə gətirilib. Bu barədə CNN-in yaydığı məlumatda deyilir.
ABŞ Avropa Komandanlığının qərargahının yerləşdiyi Almaniyanın Ştutqartdakı ABŞ Ordusu Qarnizonu da daxil olmaqla bazalar bazar günündən başlayaraq təhlükəsizlik tədbirləri həyata keçirir.
Avropada məskunlaşmış bir ABŞ hərbçisi CNN-ə bildirib ki, onlar ən azı 10 il ərzində bu səviyyəli təhlükə ilə üzləşməyiblər və bu, adətən ordunun “aktiv və etibarlı təhlükə” alması deməkdir.
Artan təhlükəsizlik tədbirlərinə hansı kəşfiyyatın səbəb olduğu bəlli deyil, lakin Avropa səlahiyyətliləri qitədə, xüsusən iyulda Paris Olimpiadası və Almaniyada keçiriləcək futbol üzrə Avropa çempionatı ərəfəsində potensial terror təhlükəsi barədə xəbərdarlıq ediblər.
Almaniya hökuməti alman zabitləri ilə yanaşı təhlükəsizlik məsələlərinə kömək etmək üçün 580 polis məmurunu bu işə cəlb edib.
Oxuməni.az
