İsveçrənin cənubundakı Tiçino kantonunda güclü yağışların səbəb olduğu torpaq sürüşməsi nəticəsində iki nəfər ölüb, bir nəfər itkin düşüb. “İki sahil” xəbər verir ki, bu barədə kanton polisi məlumat yayıb.
“Fonatan bölgəsində baş verən sürüşmə nəticəsində xilasedicilər iki nəfərin cəsədini aşkarlayıblar”, - deyə məlumatda bildirilir.
Vale kantonu polisinin məlumatına görə, Alp dağlarında əriyən qar və güclü yağış iyunun 30-na keçən gecə Rona çayının və onun bir sıra qollarının, xüsusən də Sierre və Raron şəhərlərinin sahillərinin daşmasına səbəb olub: "Bir neçə yüz nəfər təxliyə edilib"
Valaisdə təbii fəlakətlə mübarizəyə 320-yə yaxın təcili yardım xidmətinin əməkdaşı göndərilib. Səlahiyyətlilər əhalini çox zərurət olmadıqca səyahətdən çəkinməyə, su axınlarına yaxınlaşmamağa, avtomobilləri körpülərdə saxlamamağa və Rona çayı boyunca, habelə Rona çayının ona töküldüyü ərazidə Cenevrə gölündə qayıqla üzməkdən çəkinməyə çağırıb.
Məhərrəm Ağalaroğlu, “İki sahil”
