"Turan Tovuz" daha bir futbolçusu ilə müqaviləni yeniləyib.
Sportal.az xəbər verir ki, Denis Marandiçi daha 2 il komandada çıxış edəcək. Bu barədə klubun mətbuat xidməti məlumat yayıb.
Moldova millisinin də üzvü olan müdafiəçi “Turan Tovuz”un heyətində 47 oyun keçirib. O, 2023-cü ilin yanvarından Tovuz klubunda oynayır.
Qeyd edək ki, "Turan Tovuz" bu yay Şəhriyar Əliyev, Aleks Souza, Emmanuel Hakman, Alexandro Serrano, Ayxan Hüseynov, Sadiq Quliyev, Otto Con, Faiq Hacıyev və Eltun Turabovla da müqaviləni yeniləyib.
