Bu gün AVRO-2024-də pley-off mərhələsinə start veriləcək.
İdman.biz xəbər verir ki, 1/8 finalın ilk günündə iki matç keçiriləcək.
İlk qarşılaşma Berlində baş tutacaq. Son çempion İtaliya İsveçrəni sınağa çəkəcək.
Hər iki komanda qrup mərhələsini ikinci yerdə başa vurub. İsveçrə Almaniyadakı turnirdə hələ məğlub olmayıb.
Qeyd edək ki, bu gün 1/8 finalın daha bir matçı baş tutacaq. Almaniya Danimarka ilə üz-üzə gələcək.
AVRO-2024
1/8 final
29 iyun
20:00. İsveçrə - İtaliya
Baş hakim: Şimon Marçinyak (Polşa)
Berlin Olimpiya Stadionu
İdman.biz
