İsrail qırıcı təyyarələri Qəzza şəhərində HƏMAS terrorçularının gizləndiyi yaşayış binasına zərbələr endirilib. Nəticədə 4 fələstinli həlak olub, daha 10 nəfər yaralanıb.
Bu barədə WAFA agentliyi məlumat yayıb.
Məlumata görə, hücum şəhərin mərkəzi hissəsindəki evə dəyib. Ölənlər arasında iki uşaq da var.
2023-cü il oktyabrın 7-də Qəzza zolağından silahlı HƏMAS radikallarının İsrail ərazisinə soxulması, sərhəd yaşayış məntəqələrinin sakinlərinin öldürülməsi və 250 nəfərin girov götürülməsindən sonra Yaxın Şərqdə vəziyyət kəskin şəkildə pisləşib. İsrail Qəzzanı tam mühasirəyə aldığını elan edib və bundan sonra anklavda quru əməliyyatına başlayıb.
Oxuməni.az
