Mert Çelik karyerasını yenidən Azərbaycanda davam etdirəcək.
U-21 millimizin sabiq üzvü “Səbail”in uğurları üçün tör tökəcək.
24 yaşlı müdafiəçi yaxın günlərdə müqaviləyə imza atıb iyulun 5-də Ərzurumda “dənizçilər”ə qoşulacaq.
Səbəbkar sosial şəbəkə hesabında “Bandırmaspor”lu dostları ilə şəklini paylaşaraq vida mesajı yazıb:
“Sizinlə çalışmaq çox keyfli idi. Hər şey üçün təşəkkürlər, gözəl insanlar”.
Mert başa çatan mövsümdə Türkiyənin I Liqasında mübarizə aparan “Bandırmaspor”un şərəfini qoruyub. Burada 6 oyunda 319 dəqiqə meydanda olub.
Azərbaycanlı futbolsevərlərə 2020-2023-cü illər aralığında “Neftçi”dəki çıxışları ilə tanış olan Çelik ağ-qara formada 53 matçda şans qazanmaqla aktivinə 2 qol və 1 assist yazdırıb.
Azərbaycan millisində adı 7 dəfə iştirak ərizəsinə salınıb, lakin heç bir halda meydana çıxmayıb. U-21 yığmamızda 4 görüşdə 1 dəfə fərqlənib.
HƏBİB / SPORTİNFO.AZ
