"Zirə" klubunun UEFA Avropa Liqasının I təsnifat mərhələsində rəqibi olan "Şerif" (Moldova) heyətini yeni futbolçu ilə gücləndirib.
"Report" xəbər verir ki, Tiraspol təmsilçisi Alesio Miyanı heyətinə qatıb.
23 yaşlı futbolçu sonuncu dəfə Albaniyanın "Tirana" klubunda çıxış edib.
Qeyd edək ki, "Şerif" və "Zirə" arasında keçiriləcək ilk görüş iyulun 11-də, saat 21:00-da “Şerif” İdman Kompleksində reallaşacaq. Cavab oyunu isə bir həftə sonra “Liv Bona Dea Arena" gerçəkləşəcək. Qarşılaşmanın start fiti saat 20:00-da səslənəcək.
