İsveçrə millisi Ştutqart şəhərində yerləşən 217 metrlik teleqüllənin müşahidə göyərtəsini bağlatdırıb.
QOL.az xəbər verir ki, bu barədə “Sky Sport İtalia” məlumat yayıb.
Bu xahişə səbəb teleqüllədən İsveçrə millisinin məşq bazasının görünməsidir. İsveçrə təmsilçiləri hesab edirlər ki, italyanlar onların məşqlərini izləyə və taktikalarını öyrənə bilərlər.
Qeyd edək ki, Avro-2024 turnirin 1/8 finalında İsveçrə İtaliya ilə qarşılaşacaq. Oyun iyun ayının 29-u, Bakı vaxtı ilə saat 20:00 başlayacaq.
