Gürcüstanın paytaxtı Tiiflisin metropolitenində vaqonlar tam yenilənəcək.
Modern.az xəbər verir ki, bu barədə şəhər bələdiyyəsi məlumat yayıb.
Tiflis meriyası 97 vaqon almaq niyyətindədir. Yeni qatarlar 2030-cu ilin sonuna qədər Tiflisə mərhələli şəkildə gələcək.
Söhbət 4 vaqondan ibarət 13 qatar və 5 vaqondan ibarət 9 qatardan gedir (Axmeteli-Varketili xətti üçün).
Meriya artıq elan edib ki, uyğun şirkət axtarır. Şirkətlər öz təkliflərini iyulun 29-dək Satınalmalar üzrə Dövlət Agentliyinin internet saytında təqdim edə bilərlər.
“Metro vaqonlarının yenilənməsi üçün bütün resurslar tükənib, bəzi vaqonların da istismar müddəti başa çatacaq", - mer Kaxa Kaladze deyib.
