Əksər seçicilər Co Baydenlə Donald Tramp arasında debatın onların namizəd seçiminə təsir etmədiyini bildirib.
Yenisabah.az CNN-ə istinadla xəbər verir ki, bunu telekanalın keçirdiyi sorğunun nəticələri sübut edir.
Hər on seçicidən təxminən səkkizi (81%) debatları izlədikdən sonra ABŞ-ın növbəti prezidenti üçün seçimini dəyişməyib. Respondentlərin 14%-i debatın onları düşündürdüyünü, lakin seçimini dəyişmədiyini etiraf edib.
Sorğu iştirakçılarının yalnız 5%-i seçimlərini dəyişdiyini bildirib.
Sorğu müzakirələrin Baydenin imicinə mənfi təsir göstərdiyini müəyyən edib. Onun reytinqi 37%-dən 31%-ə enib. Tramp isə əksinə, öz reytinqini 40%-dən 43%-ə yüksəltməklə mövqeyini möhkəmləndirdi.
Televiziya izləyicilərinin 48%-i Trampın üstünlüyünü qeyd edib, 23%-i Baydenin dövlət başçısı kimi daha yaxşı iş görəcəyinə inanıb, 22%-i isə hər iki namizəddən narazı qalıb.
Telegram kanalımız
