İspaniya çempionu və Çempionlar Liqasının kubokunun qalibi “Real Madrid” İtaliya millisinin və “Bolonya” klubunun 22 yaşlı mərkəz müdafiəçisi Rikkardo Kalafiorinin xidmətində maraqlıdır.
"Operativ Media" İtaliyanın “La Gazzetta dello Sport” nəşrinə istinadən xəbər verir ki, tamamlanmış klub mövsümündə Kalafiori bütün yarışlarda 40 matçda iştirak edib, 2 qol vurub, 6 məhsuldar ötürmə edib.
Onun "Bolonya" ilə müqaviləsi 2027-ci ilin iyununa kimi nəzərdə tutulub. "Transfermarkt" Kalafiorinin transfer dəyərini 30 milyon avro qiymətləndirir.
Kalafiori İtaliya millisi ilə AÇ-2024-ün qrup mərhələsinin hər üç oyununda iştirak edib.
