Cüdo üzrə Azərbaycan yığması İspaniyaya yollanır.
İdman.biz xəbər verir ki, iyulun 2-də Benidorm şəhərində Avropa Cüdo İttifaqının təşkilatçılığı ilə təlim-məşq toplanışı start götürəcək.
Hazırlıq prosesində təkcə Avropa deyil, Asiya və Amerika qitəsindən də yığmaların da iştirakı gözlənilir. Hazırlığın özəlliyi Olimpiada öncəsi sonuncu beynəlxalq toplanış olmasıdır. Benidormdakı təlim-məşq toplanışı iyulun 6-dək davam edəcək.
Qeyd edək ki, cüdo millimiz bunadək Poreçdə (Xorvatiya) hazırlıq keçib.
İdman.biz
