Bakı, 28 iyun, AZƏRTAC
“Yaşıl dünya naminə həmrəylik: dayanıqlı gələcək üçün tullantıdan dəyərə” beynəlxalq forumu öz işini panel müzakirələrlə davam etdirir.
AZƏRTAC xəbər verir ki, “Sıfır tullantı hədəfinə doğru: tullantılarla çirklənmə probleminin yenilik, siyasət və ictimai maarifləndirmə ilə həll edilməsi”, “Tullantıların idarə edilməsində innovasiya”, “Tullantıların idarə edilməsində dayanıqlı təcrübələr üçün əhali və gənclərin cəlb edilməsi” mövzularında müzakirələr aparılacaq.
Həmçinin “Tullantıdan dəyərə” rəsm müsabiqəsinin mükafatlandırma mərasimi keçiriləcək.
Forumun sonunda “Sıfır tullantı” Bakı təşəbbüsü qəbul ediləcək.
