Amerika Demokratik Partiyası noyabrda keçiriləcək prezident seçkilərində ölkənin hazırkı lideri Co Baydenin başqa namizədlə əvəzlənməsi imkanını nəzərdən keçirməyə başlayıb, Politico qəzeti yazır.
Nəşrin məlumatına görə, bəzi partiya nümayəndələri Baydenin ABŞ-ın keçmiş prezidenti Donald Trampla debatda uğursuzluğa düçar olması səbəbindən “çaxnaşmaya düşüblər”.
Qəzetə üç mənbə bildirib ki, onlar indi Demokratların əvəzedici namizədini fəal şəkildə müzakirə edirlər.
“Bayden getməlidir. Buna heç bir şübhə yoxdur”, – nəşr onlardan birinin sözlərini sitat gətirir.
Daha əvvəl bildirilmişdi ki, demokratlar Baydenin partiyanı seçkilərdə təmsil etməyə hazır olmasına şübhə edirlər
DOĞRU.AZ
