ABŞ, İsrail və Ukrayna bir neçə “Patriot” hava hücumundan müdafiə sistemlərinin Kiyevə təhvil verilməsi ilə bağlı danışıqlar aparır.
Yeniavaz.com xəbər verir ki, bu barədə “Financial Times” qəzeti danışıqların gedişi ilə tanış olan beş mənbəyə istinadən yazır.
Nəşrin sözlərinə görə, Ukrayna səkkizə qədər hava hücumundan müdafiə sistemi ala bilər - bu, İsrailin xidmət müddəti 30 ildən çox olduğu üçün silinməyi planlaşdırdığı sistemlərdir. İstismardan çıxarılan sistemlərin yeniləri ilə əvəz edilməsi nəzərdə tutulmuşdu, lakin hazırda onlar hələ də istismardan çıxarılmayıb. Qəzet bunu İsrailin Livan Hizbullahı ilə gərginliyin genişmiqyaslı müharibəyə çevrilə biləcəyindən qorxması ilə izah edib.
