Birləşmiş Millətlər Təşkilatının (BMT) ekspertləri Dərbənd və Mahaçqalada törədilən terror aktlarını pisləyib, dini ibadətgahlara edilən hücumların dini etiqad azadlığı hüququnu pozduğunu vurğulayıblar.
"Operativ Media" xəbər verir ki, müvafiq bəyanat BMT-nin İnsan Hüquqları üzrə Ali Komissarlığının saytında yerləşdirilib.
"Rusiyada baş verən növbəti terror aktı ilə əlaqədar həlak olanların ailələrinə dərin hüznlə başsağlığı verir, həmrəyliyimizi bildiririk", - deyə məlumatda qeyd edilib.
Ekspertlər həmçinin terror aktları ilə bağlı beynəlxalq insan hüquqları standartlarına uyğun olaraq ciddi şəkildə istintaq hərəkətlərinin aparılması və cinayət təqibinin aparılmasının zəruriliyini qeyd ediblər.
Bəyanatı BMT-nin xüsusi məruzəçisi Mariana Katsarova, həmçinin terrorizmlə mübarizədə insan hüquqlarının müdafiəsi üzrə dünya təşkilatının xüsusi məruzəçisi Ben Sol imzalayıb.
