2024-cü ildə yüksək yaşayış dəyərləri olan dünya şəhərlərinin siyahısı açıqlanıb.
Hafta.az-ın Mercer.com-a istinadən yazdığına görə, yaşamaq üçün ən bahalı şəhərlər İndeksinə görə, araşdırmada ümumilikdə 226 şəhərin məlumatlarından istifadə edilib. Son nəticəyə çatmaq üçün isə həmin şəhərlərdə yaşayış qiymətlərinə təsir edən 200 amil təhlil olunub.
Siyahıya əsasən bu il ən çox bahalaşan şəhər Qananın paytaxtı Akkradır. Burada yaşayış 80 faiz artıb. İkinci olan Efiopiyanın paytaxtı Əddis-Əbəbədə artım 56 faiz olub. İstanbul həyat bahalığı 55 faiz yüksəlməsi ilə siyahıda üçüncü pilləyə qalxıb.
Siyahıda dördüncü olan Albaniyanın paytaxtı Tirana şəhərində yaşamaq xərləri 50 faiz artıb. İlk beşliyi Misirin paytaxtı Qahirə tamamlayır. Bu meqapolisdə həyat bahalığı 49 faiz artıb.
