NATO-nun baş katibi Yens Stoltenberq Estoniyanın baş naziri Kaja Kallas ilə keçirdiyi mətbuat konfransında bildirib ki, alyans Avropa İttifaqının Polşa və Baltikyanı ölkələrin Rusiya və Belarusla sərhədində istehkam tikintisini maliyyələşdirməsinə qarşı deyil.
Oxu24.com xəbər verir ki,bu barədə TASS məlumat yayıb.
“NATO-da alyans ölkələri hansı hərbi və infrastruktur imkanlarını yaratmalı olduqlarını müəyyənləşdirirlər. Onların necə maliyyələşdirilməsi milli qərardır. Əgər ölkələr özləri bunu maliyyələşdirə bilirlərsə, Avropa İttifaqından maliyyə cəlb edə bilsələr yaxşıdır – bu, onların işidir, əsas odur ki, bu iş görülüb”, Stoltenberq bildirib.
Xatırladaq ki, bir gün əvvəl NATO səfirləri Hollandiyanın baş naziri Mark Rutteni alyansın yeni baş katibi vəzifəsinə təsdiq etmişdilər.
O, oktyabrda vəzifəsinin icrasına başlayacaq. Dövlət Duması bildirib ki, o, çətin ki, blokun siyasətini dəyişə bilsin və politoloqlar hesab edir ki, Ruttenin yeni vəzifəsində müstəqil qərarlar gözlənilmir.
Daha əvvəl ABŞ NATO-nun Zelenskini necə arxayın etdiyini təsvir edib.
Nigar
