WikiLeaks-in qurucusu Assanc ölkəsinə qayıdıb

WikiLeaks-in qurucusu Culian Assanc ABŞ ilə bağlanmış müqavilə çərçivəsində azadlığa buraxıldıqdan sonra ölkəsinə qayıdıb.
Elchi.az xəbər verir ki, ABŞ-ın məxfi sənədlərini açıqlayan WikiLeaks-in qurucusu, 52 yaşlı Culian Assanc 14 il davam edən məhkəmə mübarizəsində qalib gəlib.
Assanc ABŞ hökuməti ilə razılaşma çərçivəsində İngiltərədəki Belmarş həbsxanasından azad edildikdən sonra ABŞ-ın Şimali Mariana adalarında hakim qarşısına çıxıb. Məhkəmə ABŞ-da casusluq qanununu pozmaqla bağlı yalnız bir cinayəti etiraf edən Assancın İngiltərədə həbsxanada keçirdiyi müddəti nəzərə alaraq azadlığa buraxılmasına qərar verib.
Məhkəmə qərarından sonra azadlığa buraxılan Culian Assanc ölkəsinə, Avstraliyaya qayıdıb. Assanj ölkəyə gəldikdən sonra Kanberra hava limanında ailəsi tərəfindən qarşılanıb.
Aeroportda gözləyən tərəfdarlar Assanc arvadını qucaqlayanda onu coşqu ilə alqışlayıblar. Assanjın həyat yoldaşı Stella Assange ölkəyə gəldikdən sonra mətbuat konfransı keçirərək, “Culian məndən hər kəsə səmimi təşəkkürümü istədi. O, burada olmaq istəyirdi. Amma onun nələr yaşadığını anlamalısan. Ona vaxt lazımdır, sağalmaq lazımdır və bu bir prosesdir”.deyib.Şayəstə Hüseynova

• ABŞ
• müqavilə
• azadlıq
• Assanc
• WikiLeaks